Jinsi ya kuweka password kwenye komputa

Password (Nywila) ni nini?

Password ni neno la siri lenye muunganiko wa namba, herufi, alama, ambayo inatumika kwenye mawasiliano ya mtu na mtu, mtu na komputa au mtu na simu ili kuwa na udhibitisho mzuri kama ni yeye na kulinda usiri wa muhusika.

Kuweka password kwenye komputa yako ni muhimu sana, hasa kwa dunia ya sasa ambayo ukiangalia watu wengi wanapenda sana kutunza nyaraka zao za siri kwenye komputa zao zinaweza zikawa nyaraka za ofisini pia. Bila kuwa na password kwenye komputa yako inaweza kusababisha kudukuliwa kwa nyaraka zako na kusambazwa kwa watu ambavyo ni hatari sana inaweza kukusababishia hadi kufukuzwa kazi kama nyaraka za ofisi zitavuja na ikaja kugundurika ni uzembe wako. Kwa misingi hiyo basi ni muhimu sana kuweka password.

Mara baada ya kuwasha komputa yako. Windows itakutaka uweke password kwa ajili ya akaunti yako. Kama utakuwa hapo awali uliitoa password yako au ndo mwanzo umenunua komputa yako. Windows inakuruhusu kabisa kuweka password uitakayo baada ya kuwa umewasha komputa yako kupitia User account Features kwenye Control Panel.

Baada ya kuweka password yako, zima na washa komputa yako au Bonyeza Windows icon + L kwa pamoja, windows itakuletea text bar ili uweze kuweka password yako.

Kama ukiingiza password iliyokosewa, huwezi kupata access ya files zako hakikisha unaweka password ambayo itakuwa ni rahisi sana kwako kuikumbuka.

Kuweka password kwenye komputa yako kutakusaidia kuweza kuzuia marafiki zako wasio wazuri ambao wanaweza wakaingia kwenye komputa yako na kudukua nyaraka zako za siri na kuzisambaza.

Kuweka password kwenye komputa yako ni rahisi sana fuata maelekezo haya rahisi sana.

• Bonyeza Start button, andika control panel kwenye Search Windows ili kuweza kufungua control Panel.

• Baada ya control panel kufunguka nenda na click User accounts. Click Continue kama User account control itataka udhibitishe kama unataka kufanya mabadiliko.

• Bonyeza jina la akaunti yako (Account name) kwenye listi, bonyeza Create a password.

• Ingiza password yako kwenye text bar, kasha bonyeza create password.

FAHAMU: Kuweka password nzuri unganisha namba, alama, herufi iwe ndefu na rahisi kukumbuka. Usipende kutumia jina lako, la mpenzi wako, ndugu zako, mwaka wa kuzaliwa au jina la kampuni au shule unayosoma na kufanyia kazi.