Mawaziri walioachwa nje ya baraza jipya la mawaziri

Hawa ndo mawaziri walioachwa nje ya baraza jipya la mawaziri

Raisi John Magufuli amefanya mabadiliko katika baraza lake la mawaziri ikiwa ni mara yake ya kwanza kufanya hivyo tangu aingie madarakani mwaka 2015.

Katika mabadiliko hayo Raisi Magufuli amewaacha nje baadhi ya mawaziri waliokuwapo katika baraza la zamani la mawaziri na kuongeza sura mpya katika baraza hilo jipya la mawaziri.

Kati ya mawaziri waliochwa nje ni aliyekuwa waziri wa maliasli na utalii , Profesa Jumanne Maghembe ambaye nafasi yake imechukuliwa na Hamisi Kingwangwala aliyekuwa naibu waziri wizara ya afya.

Pia mwingine aliyeachwa nje ni aliyekuwa waziri wa maji na umwagiliaji, Mhandisi Gerson Lwenge ambae nafasi yake imechukuliwa na Mhandisi Issack Kamwele

Aliyekuwa naibu waziri wa habari, utamaduni, sanaa na michezo Annastazia Wambura naye ameachwa nje na nafasi yake kuchukuliwa na Mbunge wa Viti maalumu Juliana Shonza

Aliyekuwa Naibu waziri wa maliasili na utalii Ramo Makani naye ameachwa nje na nafasi yake kuchukuliwa na Japhet Hasunga